रत्नगर्भातूनी!
नारी तू उपजलीस
रत्नगर्भातूनी
सृष्टीला या तारावया
भवसागरातूनी!
नारी तूच आहेस
जीवनाची आशा
तुझाच सन्मान असो
हीच आहे परीभाषा!
नारी तूच आहेस
लक्ष्मी आणि सरस्वती,
जेव्हा वाढतील अत्याचार
तेव्हा तूच सर्वांस रक्षती!
नारी तूच ईश्वराचा
खरा चमत्कार
तुझ्याच मुळे निसर्गाला
येतो आहे बहार!
नारी तुझ्याच मुळे
ही सारी सृष्टी
खंबीर हो कणखर हो
हीच सरळ ठेव दृष्टी!
संदीप राक्षे
भोसरी पुणे २६
No comments:
Post a Comment