आत्मोन्नती!
हिमालयाची स्थिरता
समुद्राची भव्यता
कमळाची अलिप्तता
सूर्याची तेजस्विता!
आनंद कठोर श्रमाचा
श्रद्धेने वाढणाऱ्या ध्येयाचा
सृष्टीतील मांगल्याचा
निसर्गातील पूर्णत्वाचा !
मार्ग मनुष्यत्वाचा
भरलेल्या आत्मविश्वासाचा
स्वातंत्र्यात आत्मसंयमाचा
आचराशी मेळ विचारांचा !
वाढवावा साठा विचारांचा
वेळेशी संवाद नियोजनाचा
मनावर विजय आत्म्याचा
समतोल शरीर मन बुद्धीचा !
संदीप राक्षे ✍🏻
भोसरी पुणे २६
८६५७४२१४२१
कावळा शिव ना!
कावळा शिवता शिव ना
मोह सुटता सुटे ना
ईश्वर पटता पट ना
पावल वळता वळ ना !
धन संपता संप ना
दान करता कर ना
माया तूटता तूटं ना
मोह सुटता सुटं ना !
सोबती कुणी ना कुणी ना
नाती साथी ना संगती ना
मुक्ती मिळता मिळं ना
कावळा शिवता शिवं ना !
संदीप राक्षे ✍🏻
भोसरी पुणे २६
८६५७४२१४२१
बिंब प्रतिबिंब !
भाळी शोभे लालबुंद
बिंब तुझे देखणे
निसर्ग साक्षी प्रेम
जपूनी ठेव साजणे !
मुक्त सोडूनी दिली
मन पाखर मी ग
तुझ्याच कडे धावली
मनमुराद स्वैर ती ग !
तुझा स्पर्श होता
तन माझे थरथरे
जसा थेंब दवांचा
पर्णाहुनी झरझरे !
चंद्र चांदणे नभात
पाही सुंदर रूप तुझे
नक्षत्रांच्या चांदण्यात,
भासे प्रतिबिंब तुझे !
संदीप राक्षे ✍🏻
भोसरी पुणे २६
८६५७४२१४२१
आपल असच असत!
आपल बुवा असच असतं
सगळ्यां पेक्षा वेगळच असतं !
कोणाच्याही पाऊलावर पाऊल
ठेवून कधीच चालायच नसतं
स्व:ताला जे जे जमतं तेच
करून दाखवायच असतं !
नक्कल कुणाचीच करायची नसते
ती आपली म्हणून खपवायची नसते !
दुस-यांनी केले म्हणून
आपणही करायच नसतं
दुसऱ्यांच्या पेक्षाही वेगळ काही
करून दाखवायच असतं !
सत्याच्या मार्गावर चालायच असतं
असत्याला मातीतच गाडायच असतं !
स्वताला जमत नाही
म्हणून रडायच नसतं
स्वप्रयत्नातूनच,,
स्वतःलाच घडवायच असतं !
संदीप राक्षे ✍🏻
भोसरी पुणे २६
८६५७४२१४२१
सृष्टीची लेकरे सारी !
तिरस्कार करू नका
कोणत्याही जातीचा
अरे प्रत्येकजण आहे
आपल्या या मातीचा !
ऐकिव इतिहासाच्या
भानगडीत पडू नका
भडकून एकमेकांची
डोकी फोडू नका !
इतिहास उगाळून
नाही होणार भल
चुकीचे स्वप्न म्हणून
एकत्र येवूत सकल !
माणूस म्हणून जगु
माणुसकीनेच हो वागू
जात-पातींच्या दरीला
नका हो आज बाळगू !
सृष्टीचीच लेकरे सारी,
सारे इथे समान आहे,
हिंदू,शिख,बौद्ध,मुस्लिम,
फक्त आणि फक्त मानव आहे !
संदीप राक्षे ✍🏻
भोसरी पुणे २६
८६५७४२१४२१
माऊली ज्ञान ईश्वरा!
संत ज्ञानेश्वर माऊलींचे दर्शन होवू दे
माझा माथा त्यांचे चरणी लागु दे
माऊली ज्ञान ईश्वरा,माऊली ज्ञान ईश्वरा!
इंद्रायणीच्या तिरी आहे बेट सिद्ध
मंत्र तेथे उच्चारता होतसे सिद्ध
ममाऊली ज्ञान ईश्वरा, माऊली ज्ञान ईश्वरा!
नाम घेता तयांचे होईल आनंद
ज्ञानेश्वरीच्या ओवीचा मज लागला छंद
माऊली ज्ञान ईश्वरा, माऊली ज्ञान ईश्वरा!
ज्ञानाचे दान दिले पसायदान
अखंड राहुदे मनी माऊली ध्यान
माऊली ज्ञान ईश्वरा, माऊली ज्ञान ईश्वरा!
चौ-यांशी सिद्धांचा भेटी सिद्ध मेळा
सिद्धश्वराच्या सानिध्यात कार्तिकी सोहळा
माऊली ज्ञान ईश्वरा, माऊली ज्ञान ईश्वरा!
अज्ञानाला होत असे येथे ज्ञान प्राप्त
समाधीच्या सानिध्यात होई मन तृप्त
माऊली ज्ञान ईश्वरा, माऊली ज्ञान ईश्वरा!
संदीप राक्षे ✍🏻
भोसरी पुणे २६
८६५७४२१४२१
वेड मात्र तुझेच आहे !
झोप माझी असली तरी
स्वप्न मात्र तुझेच आहे
शब्द माझे असले तरी
गीत मात्र तुझेच आहे !
प्राण माझा असला तरी
श्वास मात्र तुझाच आहे
प्रेम माझे असले तरी
सुगंध मात्र तुझाच आहे !
साज माझा असला तरी
श्रृंगार मात्र तुझाच आहे
रंग माझा असला तरी
अंतरंग मात्र तुझेच आहे !
नेत्र माझे असले तरी
ओघळणारे अश्रू तुझे आहे
हदय माझे असले तरी
स्पंदनं मात्र तुझीच आहे !
कंठ माझा असला तरी
सूर मात्र तुझाच आहे
मी वेडा असलो तरी
वेड मात्र तुझेच आहे !
संदीप राक्षे ✍🏻
भोसरी पुणे २६
८६५७४२१४२१
