दृष्टी सकारात्मकतेची

दृष्टी सकारात्मकतेची,,,,

रचनेचा हा रचियेता
अंतरंगात भिनला!
परी ठाव न मनाचा
भक्तीत ही ना विणला!

शिणला हा सारा देह
व्याकुळलेले सारे जीवन!
सैरवैर वायू जणू तो,
ऐकेना हे भिरभिरते मन!

कधी घेते उंच झेप
कधी जाते गगनावरी!
मरणाच्या दारातूनी
येते परतूनं माघारी!

निश्चयाने केला मग विचार
सोडला मनातून अविचार!
सकारात्मकतेच्या घोड्यावरती
झालो आहे आता स्वार!

संदीप राक्षे ✍🏻
भोसरी पुणे २६