बळीराजा!
भोळा भाबडा बळीराजा
भोळी भाबडीच भक्ती..
तुका ज्ञानीयांचा वसा
मनोमनी सांभाळती..!
नाही घेतले शिक्षण
शब्द ओठातले वेचती..
पिढ्यां पिढ्यांचा वारसा
युगे युगे सांभाळती..!
मर्द मराठीचा सूर
मर्द मराठीच गाती..
मायबोलीचे ते शब्द
ठाव अंतरीचा घेती..!
काळ्या आईतला जीव
उब मायेची हो देती..
उशी करून धोंड्याची
वर आभाळ पांघरती..!
सुख- दु:ख हो गिळून
स्वप्न उद्याची ते पाहती..
दुःख खुंटीला टांगून,
सुख इतरांस वाटती.!
संदीप राक्षे ✍🏻
भोसरी पुणे २६
८६५७४२१४२१
No comments:
Post a Comment