सखे पिकलेत तोरण!
लई जोरात पिकलेत तोरण
मी चव घेऊन बघतोय थांब
या दैवाराच्या सुपीक राना
भासशिल तू ग ओला खांब !
या वनात उनाड बांबू
माझ्या परड्याला देतोय टेकू
या मोहळाचा रसाळ मध
मिळून जोडीने दोघेही चाखू !
हा वावडूंगीचा लाल लाल घड
चवीला लागतोय तुरट छान
पाहून हा रानमेवा डोळ्यांनी
झालोय सखे मी ग बेभान !
निसर्गाची किमयाच न्यारी
दालचिनीच्या खातात साली
चिंचा बोरही गाभोळलेली
गुंजांनी बहरली सखे वेली !
ही झाडं फुलं अन् पानं
वाराही जरासा होतो धुंद,
हिरवळीचं ग लेणं लेवून,
सखे,मातीत दाटलाय सुगंध !
संदीप राक्षे ✍🏻
भोसरी पुणे २६
८६५७४२१४२१
No comments:
Post a Comment