व्यथा देवदासींची,,,
मनाला अपरूप वाटला,
नाद ढोल-ताशांचा घुमला
फुलहार तो कसला,,,?
फास गळ्यास बांधला!
नाती गोती होती संपली
हाती रिती परडी आली
गावा-गावातून तिला
अपप्रवृतींनी विकली !
कुल्टा-कुल्टा म्हणून आज
सार गाव ह़ो हिनवते
भिक देईना कुणी तिला
दारं सारीच बंद होते
नाही कळल हो तिला
काही इपरीत घडले
गाव गुंडांचे पाप कसे
तिच्या कुशीत वाढले!
भुकेच्याच आकांताने
शरीर जीर्ण हो झाले
पोर पडली धरणीवर
किती आघात ते झाले !
श्वास अखेरचा चाले
गर्भ आईस झाला बोलका
जन्म माझा ग उपरा
नको करूस ग पोरका!
संदीप राक्षे ✍🏻
भोसरी पुणे २६
८६५७४२१४२१
No comments:
Post a Comment