*अधुरे प्रेम*
दूर नको जावू सखे,
आयुष्यात येवून जा...
तुझे-माझे जुने सारे
पुन्हा एकदा स्मरून जा...
तुझ्या सूरमयी तानांना
ताल माझा जुळवून जा...
नादमयी कंठानी तुझ्या
गीत माझे गाऊन जा...
तुझा मोहमयी गंध
श्वासात माझ्या ठेवून जा...
अधु-या प्रेमास आपुल्या
सुगंधमय करुनी जा...
मखमली स्पर्शाचे चांदणे
तनामनात झिरपुनी जा...
धुंद-मंद मिलनाचा,
ठेवा हृदयांस देवुनी जा...
मोहक रूप तुझे,
नेत्री माझ्या साठवुनी जा...
आठवणींचा हिंदोळा
पुन्हा नव्याने हलवूनी जा...
*संदिप राक्षे,भोसरी पुणे..*✍🏻
*८६५७४२१४२१*
दि.२४/११/२०१७
No comments:
Post a Comment